كلي شراح اكلك وانت راح تروح

گلي شراح اگلك وانته راح اتروح
وليش اتلح عليه وتنتظــــر ردّي
هذا السان حالي دموعي تحچي وياك
وراح اسكت واحچي ادموعي البخدّي
وسولف بالدمع وتوسلك عبرات
اود اشبع بشوفك واحتفــــــل ودّي
***
ضل وياي اريدك والبقن چم يوم
وهل چم يوم صارن حدك وحدّي
خليني ارد اشوفك گمت احسك طيف
وياعين التكض الطيف اليعـــــدّي
صرفنه اسنين حبنه وخلصن تبذير
وعلى يوم النشوفك باچر انجــدّي
***
اخذني وياك اريدك مااريد الغير
وكون ابسدك اگعد واگعد ابسدّي
لتخليني وحدي منين اعرف الناس
لااگدر اعاشر لا خلگ عنـــــدي
احب اشلون غيرك من اود اشلون
وانه وياك كلش خلّصـــت ودي
***
ابگد حبك النفسك چنت اناني وياك
ومنو ابگدك يحبك محد ابـــگدي
يل بيه ويه روحي الطلعه طلعت موت
شيردكم علي لو صيحــت ردّي
***
اخذني وياك مني اشعندي باقي وياي
وكلي وياك اخذني وكلشي لتودي
***
شيصيرن بعد خل اليصير ايصير
خل كلشي الأليه وينگلب ضــدي
خل اسنيني تغرگ خله عمري يفيض
خل اگبال عيني وينهدم ســـــدي
خايف صح چنت بس چنت اخاف عليك
والمن بعدك انته وخايف اشعندي

***
اخذني وياك اريدك مااريد الغير
وكون ابسدك اگعد واگعد ابسدّي
لتخليني وحدي منين اعرف الناس
لااگدر اعاشر لا خلگ عنـــــدي
احب اشلون غيرك من اود اشلون
وانه وياك كلش خلّصـــت ودي

;كلمات رائعه يا سيدة الابداع

تحياتي ومتناني

mr amjad كتب:: ***
اخذني وياك اريدك مااريد الغير
وكون ابسدك اگعد واگعد ابسدّي
لتخليني وحدي منين اعرف الناس
لااگدر اعاشر لا خلگ عنـــــدي
احب اشلون غيرك من اود اشلون
وانه وياك كلش خلّصـــت ودي

;كلمات رائعه يا سيدة الابداع

تحياتي ومتناني

تسلم اخويه الغالي

نورتني

[b]